बलिउड अभिनेत्री जिया खानको आत्म हत्यापछि भेटिएको उनको ‘सुसाइड नोट’ उनकी
आमाले प्रहरीलाई बुझाएकी छन् । तर, अर्को सुसाइड नोट जियाको ब्याईफ्रेण्ड
सूरज पंचोलीको घरबाट भेटिएपछि धेरैलाई आश्चर्य पारेको छ ।
दुबै सुसाइड नोटमा लेखाईको शैली र भनाई निकै फरक पाईएको छ । जियाको
आमाले प्रहरीलाई बुझाएको सुसाईड नोटमा सूरजले बलात्कार र जर्वजस्ति गर्भपतन
गर्न लगाएको आरोप लगाईएको छ भने अर्को सुसाईड नोटमा सूरजलाई ‘एकदमै माया
गर्ने मान्छे’को रुपमा व्याख्या गरिएको छ ।
यि विवादास्पद् दुईवटा सुसाईट नोट भेटिएपछि यसबारे बुझ्न सूरजका बुवा आदित्य पंचोली आफै अगाडी सरेका छन् ।आदित्यले आफूले आफ्नो घरमा भेटिएको सुसाइड नोट हस्तलिखित विषेशज्ञलाई दिएको बताएका छन् । उनले एक अन्तर्वातामा भनेका छन्,‘पुलिसले यस विषयमा आफै केही गर्ने छ, मैरे मेरो तर्फबाट सुसाईट नोट हेण्डराईटिङ विशेषज्ञलाई दिएको छु जसले वास्ताविकता पत्ता लगाउन सकोस । ’
आदित्यले जिया की आमा राबिया खानलाई चुनौति दिदै भनेका छन्,‘ प्रहरीले आफ्नो काम गर्दै जान्छ तर सुसाइड नोट जियाले नलेखेको पुष्टि भएमा कानुनी कारवाहीमा जान्छौं ।’ तर जियाकी आमा राबियाले पनि आफू आदिस्यको धम्कीले नडराउने बताएकी छन् । राबियाले जियाको सुसाइड नोट नक्कली भए आफू कानुनी कारवाही भोग्न तयार रहेको बताएकी छन् । उनले भनेकी छन्,‘ मेरो छोरीलाई मृत्युको डर भएन, अब उ छैन, मलाई कुनै विषयको चिन्ता छैन ।’ बलिउड अभिनेत्री जियाले प्रेममा दुईहप्ता अघि आत्महत्या गरेकी थिईन ।
